Rosas

Isa akong rosas na may halimuyak

Isa akong bulaklak na tila ba gustong pitasin

Ng kahit sinuman, na mapunta kaninoman

Ni hindi iniisip ang sakit na naranasan

Sa mga taong inakalang tama

Isa akong rosas na may tinik

Isa akong bulaklak na tila ba ayaw magpahawak

Sa kahit sinuman, sa kahit kaninoman

Ni hindi iniisip ang sakit na tiniis

Ng taong nagtangkang humawak sa akin

Isa akong rosas na may ganda

Isa akong bulaklak na tila ba alam ang kanyang halaga

Hindi para kahit kaninoman, kundi para sa sarili

Hindi iniisip ang sakit sa araw-araw ng paggising

Para sa mga taong mahal at mahalaga sa akin