Heto na naman

May dilim na paparating

Sa silid kung saan halakhak ang maririnig

Tila ba nagsasabing humikbi

Hanggang lumala ang pighati

May dilim na umaaligid

Sa puso kong labis ang pagkapit

Tila ba nagtatangkang pumalit

Sa liwanag na iniingatan ang sindi

May dilim na sumisilip 

Sa silid kung saan maningning ang ngiti

Tila ba nagpaparamdam ng panganib

Sa buhay na ang paghinga ay pinipilit